A empresa ampliará a produción nas plantas de Outeiro de Rei e de Vilagarcía
18 abr 2019 . Actualizado ás 19:42 h.Unha aposta por manter a procura de ideas que potencien o valor do sector lácteo e da industria transformadora. Así se referiu onte o director xeral de Larsa , José Armando Tellado, á iniciativa Impulsando Galicia, que chega á segunda edición. Trátase dunha convocatoria de ámbito nacional que promoven a empresa e a Universidade de Santiago de Compostela (USC), coa colaboración das da Coruña e de Vigo, para buscar iniciativas que supoñan un desenvolvemento do sector. Mentres tanto, a compaña láctea ten en marcha plans para incrementar a produción na fábrica de e Outeiro de Rei na de .. Vilagarcía de Arousa
Os premios van dirixidos a alumnos e a investigadores que coñecen de preto o mundo do leite e contan co aliciente dos premios que se conceden: o primeiro é de 5.000 euros; o segundo, de 3.000, e o terceiro, de 1.000. Pero se Larsa decide levar á práctica algún dos proxectos galardoados, os autores recibirán, durante un período de tres anos, o 20 % dos beneficios xerados.
Juan Méndez, profesor que exerce como coordinador da iniciativa, detallou os pasos que deben seguir todos os que estean interesados en participar. O primeiro é a elaboración dunha memoria, que describirá o produto e o mercado que se prevé abarcar. O segundo será o deseño dun prototipo, que servirá de base para o debate. Para rematar, avaliarase a orixinalidade, a viabilidade, a contribución do produto á mellora da saúde e dos hábitos de vida, ademais da precisión.
100 millóns máis ao ano
A presentación da segunda edición dos premios realizouse na fábrica de sobre Outeiro de Rei, cuxo futuro incidiu Tellado. Tanto a planta de Lugo como a de experimentarán Vilagarcía de Arousa proximamente un aumento da produción. Na de previsiblemente Outeiro de Rei, a comezos do verán, inaugurarase unha nova liña de envasado de leite, coa que a distribución poderá crecer ata 100 millóns de litros ao ano.
As obras de dirixiranse ao aumento da liña de envasado de iogur. De cumprirse as previsións trazadas onte polo director de Larsa, a ampliación da planta arousá estará lista antes de final de ano.
O leite con castañas, o produto que gañou o certame o ano pasado, xa está no mercado
O concurso de ideas do ano pasado xa ten o seu reflexo na produción de Larsa . O gañador foi un novo enxeñeiro agrónomo de Lugo, Pablo Fraga, que presentou un proxecto de comercialización de leite con castañas, incorporado xa ao catálogo da empresa. Fraga, presente onte na presentación da nova convocatoria, subliñou que utilizara dous produtos moi característicos de Galicia para desenvolver o seu proxecto, cuxa chegada ao mercado, dixo, prodúcelle satisfacción. Tamén lembrou que a castaña fora unha parte básica da alimentación en Galicia durante séculos, aínda que a chegada da pataca foi reducindo ese protagonismo.
No acto houbo palabras de eloxio a Larsa por esta iniciativa. A xefa territorial da Consellería de Presidencia, Marta Barreiro, encomiou o perfil innovador do galardón, mentres que Montserrat Valcárcel, vicerreitora do campus de Lugo, presentouno como un exemplo de colaboración e como unha medida capaz de conectar o traballo dos estudantes coa sociedade. Nese sentido, agregou, a función dunha universidade non pode esquecer a formación de profesionais que contribúan ao progreso do territorio.