19 novs 2018 . Actualizado ás 07:51 h.
Un de cada catro contratos asinados en outubro tivo unha duración dunha semana ou menos, segundo os últimos datos do Servizo Público de Emprego Estatal (SEPE). Dos 2,2 millóns de contratos rexistrados, 600.533 duraron ese tempo e 821.754 un máximo dun mes.
E soamente 242.324, un 10,8 % do total, tiveron carácter indefinido. A pesar de ser menos numerosos, estes últimos creceron a un maior ritmo interanual (19,6 %) que os temporais (9,37 %). Destes, a maior parte fixéronse no sector servizos, pero tamén en agricultura, gandería, servizos de comidas e bebidas, comercio minorista e aloxamentos.
Os sindicatos instan o Goberno a perseguir a temporalidade inxustificada. O Goberno ten previsto reformar o contrato de apoio a emprendedores.