Tras sufrir unha caída polas escaleiras da súa casa en Riocalvo
01 abr 2020 . Actualizado ás 14:03 h.José Luis Lorenzo, o fundador no ano 1968 de Despezamentos Rolán, faleceu aos 82 anos no hospital Clínico de Santiago ao non lograr recuperarse dunha caída polas escaleiras de acceso á súa casa, en Riocalvo (Silleda). Unha patrulla de Tráfico de Lalín auxiliouno ao producirse o suceso o pasado luns, cando a as 17:10 horas foi abordada á altura do quilómetro 306,400 da N-525, por a muller do falecido, que reclamaba auxilio desde a propia estrada. A señora explicou aos axentes que o seu marido se caeu e estaba tendido no chan, semiinconsciente sobre un gran charco de sangue. Os axentes prestaron inmediato auxilio ao home, que presentaba un forte golpe na cabeza, cunha ferida aberta pola que sangraba abundantemente. A continuación pasaron aviso aos servizos sanitarios mediante chamada ao teléfono de urxencias 112 e practicáronlle os primeiros auxilios ata a chegada da ambulancia, que o trasladou ao Hospital Clínico de Santiago consciente, informan desde a Garda Civil.