O Concello de Lalín anunciou a finalización da fase de entubado nos traballos que se están realizando nas rúas Principal e Loriga, en funcionamento desde hai máis dun mes. A continuación procederase a realizar o lousado de pedra nas beirarrúas e a recollida das augas de ambas as rúas, para finalizar a humanización co hormigonado final da estrada, estimado para finais deste ano.
Desde que se deu o pistoletazo de saída á obra, a empresa encargada da súa realización, Oresa, procedeu á retirada dos vellos solados e escavacións da zona das beirarrúas, a retirada daquelas canalizacións que quedaron obsoletas e á dotación de novas canalizacións enterradas para o saneamento, abastecemento, enerxía eléctrica, iluminación, gas ou telecomunicacións. Un traballo acometido na rúa Joaquín Loriga, ao ser modernizados na humanización da Principal.
O Concello sinala que a actuación consiste nunha adaptación de ambas as rúas a unha plataforma única tendo en conta que xa contaba cunha morfoloxía de beirarrúas anchas e unha plataforma viaria dun só carril e aparcadoiro ao carón da calzada. Aseguran que coa consecución desta plataforma única «conseguirase unha grande área no centro do casco urbano perfectamente adaptada á accesibilidade e máis humanizada».
O plan de humanización destas céntricas vías do centro urbano lalinense está enmarcado na Estratexia Edusi Lalín Ssuma21, cofinanciada nun 80 % con fondos FEDER mediante o Plan Operativo de Crecemento Sostible 2014-2020, actualmente no Programa Operativo Plurirregional de España 2014-2020, que ten como obxectivo mellorar a sustentabilidade da mobilidade urbana.