Loitador en Venezuela na súa mocidade, foi o cociñeiro do Cocido en Caracas, Cuxhaven (Alemaña) e Madrid
07 dic 2019 . Actualizado ás 21:12 h.Lalín despediu o sábado no cemiterio de Filgueira a José Antonio López Álvarez, un deses veciños a quen todos coñecen pero non polo nome que figura no DNI. Morreu O Puma do Espiño, aos 79 anos, e vaise un home polifacético que emigrou de mozo a Venezuela: de alí trouxo o alcume, das súas épocas de combate na loita libre venezolana. Era un home grande, de permanente bo humor, que regresou ao país americano no ano 2001 de man do Concello: preparou o Cocido na Irmandade Galega de Caracas; ao ano seguinte faríao para os galegos de Cuxhaven, e tamén na Casa de Campo en Madrid no 2003. Deixa un oco tan grande como o seu corpo de loitador.