Decembro restou só un desempregado á conta total
03 ene 2019 . Actualizado ás 21:46 h.O ano 2018 déixanos un descenso no número de parados de 491 persoas. Son 245 menos en Deza, que suma 1.912, e 246 menos en Tabeirós-Terra de Montes que acabou o ano cunha lista de 1.289 desempregados. A conta do ano pechouse na zona con 3.201 persoas sen traballo fronte ás 3.692 ao final do 2017. En cambio o mes de decembro só restou, respecto de novembro, un desempregado á lista da zona. En Deza, creceu o número de persoas en busca de traballo en dezaseis, no último mes, mentres que en Tabeirós, a conta era case ao revés. Foron 17 parados menos. Por concellos, en decembro, o paro subiu o 17 persoas en Vila de Cruces, en catro en Silleda e nunha en Rodeiro. En Lalín baixou en dúas persoas, en tres en Agolada e nunha en Dozón. A mellor cifra da zona obtívoa de novo A Estrada, con 39 desempregados menos a peche de decembro. Forcarei sumou nove parados e Cerdedo trece.
A cifra de parados é de 26 en Dozón, 74 en Agolada, 1.105 en Lalín, 71 en Rodeiro, 371 en Silleda, 265 en Vila de Cruces, 71 en Cerdedo, 1.092 na Estrada e 126 en Forcarei.