Cidadáns abriu expediente a Juan José Cruz e suspéndeo de militancia de forma cautelar
LALÍN
As distintas declaracións remitidas por Juan José Cruz á prensa nas últimas semanas, erixíndose en suposto portavoz de afiliados de Cidadáns de Lalín que solicitan un grupo local, e as duras preguntas expostas polo edil no último pleno sobre actividades de Alberto Senande ?responsable de redes sociais da formación laranxa na capital dezana? tiveron consecuencias políticas para Cruz García.
Cidadáns acaba de abrirlle expediente disciplinario ao lalinense, afiliado ao partido en setembro do 2016 e adscrito á agrupación de Pontevedra. Un expediente que sinala que os feitos protagonizados por Juan José Cruz poderían constituír unha falta moi grave, polo que acorda como medida cautelar a súa suspensión de militancia. Cruz pode presentar alegacións, por uns feitos que poderían mesmo supor a súa expulsión do partido.
A comisión de réxime disciplinario de Cidadáns asegura que ignoraba, ata abrirlle expediente, que Cruz fose concelleiro non adscrito en Lalín, con acta obtida baixo as siglas de CxL. Unha situación dabondo coñecida en Lalín, pero que agora sinalan sería incompatible cos valores do partido.