Forcarei ensina aos veciños a tratar ou previr o dano cerebral adquirido
FORCAREI
Co obxectivo de dar a coñecer o que é o Dano Cerebral Adquirido (DCA) e axudar a previlo ou tratalo, o Concello de Forcarei acollerá unha sesión formativa dirixida a familiares de persoas con dano cerebral e á poboación en xeral. Será o vindeiro martes, 30 de novembro, ás 11.00 horas no salón de actos da casa consistorial.
A traballadora social da Federación Galega de Dano Cerebral, Carla Miranda, será a encargada de impartir a charla, na que os veciños poderán coñecer que é o dano cerebral, cales son as súas principais causas, as secuelas, que mecanismos existen para a prevención e de que xeito organízase o modelo de atención e rehabilitación para os pacientes.
Reserva de praza
As persoas interesadas en asistir a esta actividade poden reservar a súa praza chamando ao Concello ao teléfono 986 755 036 ou enviando un correo electrónico á dirección alcaldia\