Cerdedo recupera a Ruta dás Pontes do Lérez, con actuacións en tres estruturas
CERDEDO
O Concello de Cerdedo-Cotobade recuperará a Ruta dás Pontes do Lérez realizando actuacións en tres das infraestruturas fluviais. Faranse labores de conservación e rehabilitación nas pontes de Pedre, Fentáns e Parada de Cerdedo, para protexer o patrimonio arquitectónico e etnográfico que supoñen.
Segundo avanzan desde o Concello, faranse labores de limpeza e roza dos accesos, así como dos lugares afectados pola presenza de vexetación invasiva que, en moitos casos, provocan accións de desgaste e poñen en perigo a propia estabilidade dos viadutos.
Tamén están previstos traballos de consolidación e recolocación de pedras que se atopan movidas ou con perigo de derrubamento, co fin de garantir a estabilidade da propia construción e a súa conservación como zonas de paso, agora máis vinculadas ao sendeirismo que ao acceso veciñal de outrora.
Para o alcalde cerdedense, Jorge Cubela, «esta vai ser unha actuación fundamental para recuperar a Ruta das Pontes do Lérez», un elemento con gran potencial turístico e con posibilidades como motor de futuro.