16 jun 2019 . Actualizado ás 20:27 h.
O Concello de Cerdedo-Cotobade ultima todos os detalles organizativos da festa de San Xoán, que se celebrará a noite do domingo 23 na praia fluvial de Cerdedo. A organización agarda a presenza dun milleiro de persoas.
Os interesados poden comprar os seus billetes para a cea ata o martes 18 nas oficinas municipais de Cerdedo ou de Carballedo. Custan cinco euros, pero serán gratis para os menores de 12 anos.
A festa arrincará ás 21.30 horas, con sardiñas, churrasco, pan e viño, fogueira e a disco móbil On By Chito.