Co inicio do mes de xullo, A Estrada penétrase na sétima onda de coronavirus cun crecente número de casos. O coordinador do centro de saúde, Juan Sánchez, considera que non se acadará o pico ata dentro de dous ou tres semanas, aínda que a maioría dos pacientes presentan unha sintomatología de carácter leve. A circulación das subvariantes de Ómicron BA. 4 e BA. 5 relevan á sigilosa de Ómicron, apunta. Sánchez lembra que o Ministerio de Sanidade cambiou a estratexia de conteo de positivos e desde o 28 de marzo as cifras de contaxiados só recollen os casos de poboación considerada como vulnerable, en persoas a partir dos 60 anos, o que fai que o número de casos reais sexa moito maior das cifras rexistradas.
Sánchez cifra en 209 a incidencia acumulada a 7 días que se eleva a 299 a 14 días por cada 100.000 habitantes. Hai tres persoas ingresadas en centros hospitalarios.