Un parcial de 33-15 permitiu aos rojillos rubricar a súa segunda vitoria en liga
23 oct 2021 . Actualizado ás 23:22 h.Con maior comodidade que no partido inaugural da liga na Primeira Nacional o EDM A Estrada debutou ante a súa afección con outro triunfo ante o Noia por 81-59. Os locais romperon o encontro cun terceiro cuarto demoledor en ataque, que acabou cun 33-18 ao seu favor. Ata o descanso houbo máis igualdade entre ambos os equipos, índose os locais cunha vantaxe de tres puntos, con 32-29 ao seu favor.
Ese espectacular terceiro parcial permitiu aos estradenses afrontar sen preocupacións os últimos dez minutos, podendo repartir minutos de xogo e administrar a ampla vantaxe, que ao final foi de vinte e catro puntos. O conxunto que adestra David González está a iniciar con bo pé a tempada despois de ano e medio de parón. Samuel erixiuse de novo no máximo anotador do seu equipo, con 28 puntos, destacando os vinte de Borja, con catro triplos.
O EDM A Estrada asinou mellor porcentaxe desde a liña de tres puntos que o seu rival, cun 38 % nos seus 8 de 21 lanzamentos, fronte ao 19 % do Noia, con 5 de 27. Mentres, os visitantes estiveron máis acertados en tiros de dous, cun 51 % -18 de 35-, por un 44 % -22 de 50- e en tiros libres, 46 % estradenses -13 de 28- frontes ao 44 % -8 de 18- dos barbanceses.
Triunfo cómodo en casa ante o Fontiñas (57-20)
O EDM A Estrada da Segunda División feminina non atopou rival no Fontiñas, como ocorrera na xornada inaugural da liga. As estradenses impuxéronse por 57-20 ante un conxunto visitante desarbolado desde o inicio. No choque anterior o triunfo habíase producido por 24-46. Con estas dúas vitorias o equipo que adestra Panchito lidera a táboa no seu grupo.