Se está garantida como di o 061, preguntan por que veñen ambulancias da Estrada, Melide, Palas , Chantada ou Santiago
17 ago 2019 . Actualizado ás 22:17 h.O grupo municipal socialista de Lalín replicou onte ao 061, tachando de «tomadura de pelo e falta de respecto á cidadanía afirmar que a cobertura asistencial sanitaria está garantida non noso concello cando semana a semana con feitos como a veciña accidentada na rúa Monte Faro que agardou case unha hora polo servizo, demostran todo ou contrario». Esixen á Xunta do PP que explique como é posible que se a asistencia sanitaria está garantida á perfección «se teñen que trasladar continuamente a Lalín ambulancias da Estrada, Melide, Palas de Rei, Chantada, O Carballiño ou Santiago». Piden que se explique por que viaxan a Lalín ambulancias doutras zonas, cando de modo incoherente din que os servizos están cubertos cos medios actuais.
Goberno local desautorizado
Ante as afirmacións do 061, piden ao alcalde José Crespo e á concelleira Eva Montoto que expliquen as súas supostas xestións co conselleiro de Sanidade, Vázquez Almuiña, «que unha vez máis semellan ser unicamente fume e mentiras. O Psoe sostén que as declaracións dá voceira do 061 son unha labazada en toda regra tanto para Crespo como para Montoto».
Consideran grave que se xustifique a tardanza da ambulancia no contratempo de Monte Faro por tratarse dunha patoloxía menor, xa que creen que se os danos fosen máis graves a ambulancia tardaría o mesmo. Por iso considera que «a situación dá cobertura asistencial sanitaria de Lalín é absolutamente insostible» e cualifican ao municipio como o de peores servizos de urxencias sanitarias de Galicia entre os da súa categoría.
Os socialistas lembran que alertan hai anos da situación, e o anterior goberno local esixiu en numerosas ocasións á Xunta incrementar os servizos asistenciais. Acusan o alcalde de mentir en campaña ao prometer unha ambulancia medicalizada, cando o contrato para os próximos 4 anos non prevé novos recursos en Lalín.
E esixen de novo a Sanidade que some a Lalín unha nova ambulancia que polo menos actúe 12 horas diúrnas, e de ser preciso modifique o novo contrato para dotar con máis medios en Lalín.