O colectivo O Castro dá Fervenza de Callobre celebrou o ritual de prender unha chama directamente do sol
17 jun 2019 . Actualizado ás 08:00 h.O colectivo estradense O Castro dá Fervenza de Callobre e o Concello de Boqueixón volveron a colaborar no ritual de aceso do lume «puro» co que quen o desexen poderán alimentar o domingo os lumeiros de San Xoán. A cerimonia tivo lugar no mítico Pico Sacro, ao que sobre a unha da tarde ascendeu unha comitiva integrada por dúas tribos celtas encabezadas polo druída e a Reina Alda.
O druída é o encargado de conseguir a chama máis pura. «Leva un bastón fabricado de toxo vello cunha lupa non medio», explica o presidente da asociación, Gumersindo Pereiras. A acción do sol sobre a lupa fai prender unha chama na ramaxe seca que se coloca debaixo. Dese lume primigenio préndese un cirio que se transporta nun faroliño ata Callobre. Os estradenses que queiran acender as súas fogueiras con este lume poderán facelo acudindo o día 23 a partir das 21.00 horas, a Liñares -fronte ao restaurante Río Liñares-. Alí compartirase o lume con quen o demanden e prenderanse os fachos coas que sobre as 22.00 horas doce mulleres celtas sairán en procesión ata o castro de Callobre, acompañadas pola raíña Alda. Música e danzas celtas completarán un ritual no que, a medianoite, acenderase a fogueira para queimar á bruxa Calistea.