O CD Lalín anunciaba nas últimas horas unha nova fichaxe para a tempada 2025-2026. Despois de semanas desde que o club roxinegro desvelase incorporacións, en concreto as de Brais Calvo procedente do Estradense, así como de Hugo Alvarellos, formado na EF Lalín e que a pasada campaña estivo no Sigüeiro, agora trátase do futbolista Manu Fuentes o que se incorpora ao equipo dezán.
Manu Fuentes militou a pasada campaña nas filas do SP Estrada, de Primeira Galicia. Un xogador versátil e polivalente que reforza o persoal roxinegro. Suporá para el un salto de categoría significativo, agora en Preferente Galicia co CD Lalín. O club está a ultimar o persoal que estará ás ordes do novo adestrador para esta tempada, Roberto Fernández. Polo momento non se anunciaron datas para o inicio da pretemporada e os amigables de preparación, aínda que a entidade xa coñece que a liga arrincará o día 7 de setembro en Preferente Galicia.
Por outra banda, tamén segue conformándose a persoal do filial roxinegro. Nas últimas horas confirmouse a renovación de Fran, Óliver e Mara. A eses nomes súmanse as fichaxes de Álvaro Diéguez e Hugo Rielo. Un equipo, o Lalín B, que milita en Terceira Autonómica e que perdeu ao final da pasada campaña a un dos seus fundadores e capitán, Peli.