Golpe de autoridade do Cidade de Ribeira no seu grupo con
o triunfo en casa ante o Lalín
(3-1). Os barbanceses chegaron con vantaxe ao descanso grazas ao gol de Joseíño. Tras a continuación, os dezáns sorprenderon ao conxunto local, que saíu un pouco durmido, para asinar o empate. Pero o tanto e os cambios fixeron espertar ao Cidade de Ribeira que, nun dicir amén, volveu coller vantaxe.
Puido facer o segundo Christian, pero o seu chute estrelouse no traveseiro. Si que acertou pouco despois Adao ao aproveitar unha boa acción do propio Christian, que deixou a un defensa no chan co seu finta. O gol da tranquilidade chegou tras unha posesión longa dos barbanceses, que acabou co coiro nas botas de Abi que o coou pola escuadra da portería do Lalín.
Victoria do Agolada
O único equipo dezán que conseguiu sumar de tres esta semana foi o Agolada, que se impuxo no Hospitalillo por 2-1 ao Baio. A vitoria agolense chegou grazas aos goles de Cristian e Nicolás no último cuarto de hora. Peor sorte tiveron Silleda e Cruces. Os primeiros caeron pola mínima (0-1) ante o Calo e os segundos perderon 1-3 contra o Xallas.