O Concello de Forcarei acaba de iniciar as obras de acondicionamento de dúas grandes salas do auditorio de Soutelo de Montes para a súa conversión en espazo museístico destinado a acoller toda a colección do Centro Etnográfico de Terra de Montes (Cetmo).
Esta mostra, conformada por 1.042 pezas recollidas pola familia González Barros entre os anos 1991 e 2011, estivo exposta durante moito tempo nunha vivenda da Aldea de Arriba, pero os seus promotores hai tempo que non podían atendela por cuestións persoais e ademais a casa non era o lugar máis adecuado para a súa correcta conservación. Por iso, a familia acordou o traspaso da titularidade a favor do Concello coa garantía da habilitación dun espazo adecuado na mesma localidade.
O Concello destinará 46.538 euros a adecuar un espazo de dúas plantas no auditorio de Soutelo para despregar a colección, que reúne pezas etnográficas que proceden sobre todo da zona sur do concello.