O exdeportivista logrou o cuarto tanto do seu equipo na goleada ante o Greuther Fürth nun partido no que tamén xogou Angeliño
23 oct 2021 . Actualizado ás 22:09 h.Dous canteiráns deportivistas participaron na vitoria do Red Bull Leipzig este sábado na Bundesliga. O conxunto de Jesse Marsch apalizó esta tarde a o Greuther Fürth (4-1) con Angeliño como titular e Hugo Novoa como goleador. Un de Coristanco e outro de Bertamiráns.
Hugo Novoa anotou o último tanto do seu equipo no minuto 88 para pechar a goleada en casa ante o pechacancelas da Liga alemá. O coruñés levaba tres minutos sobre o céspede cando recibiu unha asistencia de Szobozlai para bater ao meta. «Un soño feito realidade. Grazas a todas as persoas que me axudaron a chegar ata aquí, especialmente á miña familia. E grazas Dominik por esa asistencia. A por máis!», chouchiou o atacante tras o partido.
Criado na canteira de Abegondo, Hugo Novoa, nacido na o ano 2003 (ten agora 18 anos) abandonou a disciplina do Deportivo no ano 2019 para enrolarse nas categorías inferiores do Leipzig cando xa era internacional na selección española sub-16. Este sábado conseguiu o seu primeiro tanto como profesional nas filas dun conxunto co que xa acudiu á burbulla da fase final da Champions en Lisboa hai dúas tempadas.
Angeliño, tamén formado na canteira coruñesa, volveu ser titular co equipo e disputou os noventa minutos do encontro.