É un base con carácter, formado na canteira do Besiktas
07 jul 2020 . Actualizado ás 12:26 h.Kartal Ozmizrak é un bo director de orquestra, efectivo no xogo en transición, un bo xogador en situacións difíciles. Defende ben e destaca por ser un excelente recuperador, cunha boa lectura do xogo. Un base con carácter, formado na canteira do Besiktas e internacional absoluto con Turquía. Chega cunhas boas medias a Santiago, xogando durante as tres últimas campañas no Darussafaka.
O seu mellor partido nos dous últimos cursos foi a principios do ano pasado ante o Turk Telekom. Acabou o duelo con 27 puntos na súa conta persoal, ademais de 4 rebotes e 4 asistencias, cun total de 31 créditos de valoración.