O ProTour de Pontevedra sobe ao podio a Mario Mola, Serrat e Gómez Noya

Pontevedra volvía ver aos seus en acción. O ProTour reunía aos tres campións do mundo españois nunha proba en distancia súper esprint que finalmente subía ao podio ao balear Mario Mola, seguido do vigués Antonio Serrat e de Gómez Noya, que tivo que remontar no primeiro segmento de ciclismo despois dun arranque irregular en augas do Lérez. «Era unha proba complicada para a miña distancia, estou cos mellores non soamente de España, senón do mundo. Serrat é moi rápido e para min era complicado, pero estou contento co podio. Custoume entrar, cometín varios erros, tiven que facer un esforzo extra na primeira bici para chegar adiante e na última carreira Mario foi ou máis forte», comentou o pentacampeón do mundo tras cruzar a liña de meta en terceiro lugar. O galego e tamén primeiro campión do mundo español, Iván Raña, era un dos favoritos do público, pero caeu da final por tan só unha décima de segundo nas semifinais.

O gañador, que levará un premio de seis mil euros, recoñecía ao finalizar «que non vos engane o meu sorriso, é un circuíto moi agónico, pero gozamos moito». Mario Mola aseguraba que «foi moi especial, a xente hase envorcado coa carreira e estou satisfeito con como me sentín». A imaxe de Mola, Serrat e Gómez Noya podería ser un podio das Series Mundiais? «Sin duda, en España temos a sorte de que o tríatlon goza de moi boa saúde, foi unha pena que Fernando Alarza tivese problemas na transición da bici, estivese tamén na loita», explicou o gañador da primeira edición do ProTour, unha competición deseñada pola Federación Española de Tríatlon en colaboración coa galega para achegar a disciplina ao afeccionado.

Con 250 metros a nado, 7,2 quilómetros de ciclismo e 1,7 a pé nun circuíto de dúas voltas, os espectadores podían ver case en todo momento por onde se desenvolvía a proba. Espectacularidade e explosividad eran os dous conceptos nos que incidiron os organizadores nos días previos. En categoría feminina viviuse un dos finais máis emocionantes. Anna Godoy conseguiu o primeiro posto tras cruzar a meta cun tempo de 44' 53'', case ao mesmo tempo que Aneke Jenkins, que pelexaron na recta final por colgarse a medalla de ouro. A federación española viuse obrigada a concentrar toda a competición nunha xornada ante as malas previsións meteorolóxicas. A pesar dos cambio de última hora, a cidade non defraudou e os triatletas, tampouco. O espectáculo estivo garantido e Javi Gómez Noya volveu reinar en casa, aínda que se puxo a coroa de bronce.

.

---

---

---