O Consello da Cultura Galega defende a «gobernanza participativa» do patrimonio cultural galego

O Consello da Cultura Galega defende a «gobernanza participativa» do patrimonio cultural galego, na liña da Unesco e do Consello de Europa. «De momento non se dá» esa situación, afirmou Rebeca Blanco -Rotea, coordinadora do Foro Patrimonio e Sociedade da institución, quen presentou a súa conclusións e unha guía práctica. Inclúe propostas de consenso elaboradas por especialistas de diferentes ámbitos da sociedade galega con relación co patrimonio, quen traballaron durante máis de ano e medio no tema; ademais dos tres partidos representados no Parlamento de Galicia e expertos do exterior referencia. Entre as súas principais conclusións están ademais que se elabore un Plan Autonómico Patrimonial e considerar clave a educación da cidadanía sobre o patrimonio, ademais de reclamar dotación orzamentaria para potenciar este sector.

Rosario Álvarez, presidenta do Consello da Cultura Galega, destacou que se elaborou unha metodoloxía propia co obxectivo de . «conciliar intereses contrapostos»O patrimonio é «tema complexo» un e «fonte de conflitos», e o obxectivo desta iniciativa foi potenciar a protección dos bens patrimoniais, resaltou.

Rebeca Blanco -Rotea destacou o consenso acadado, que non houbo no ano 2016 para aprobar a Lei do Patrimonio Cultural de Galicia, lembrou. Respecto da proposta de gobernanza participativa puxo como exemplo o Castro de Vigo, en torno ao que conflúen diversos intereses: consistiría en traballar coas comunidades locais e integralas, atender as súas demandas e actuar para resolver as necesidades que se expoñan sobre esa contorna. Trátase, precisou, de .. «incluir á sociedade no que teña que ver co patrimonio»

 «Elemento estratéxico e transversal»

As conclusións do Foro xa as presentaron aos grupos parlamentarios e á Xunta. Entre as propostas consta a necesidade de crear unha Comisión de Patrimonio no Parlamento de Galicia, que podería vincularse á propia Comisión de Cultura da Cámara e que atenda ao patrimonio como «elemento estratéxico e transversal da política cultural galega».

O Plan Patrimonial de Galicia, refire, «debe ser intersectorial» e responder a unha estratexia «descendente e participada, debe integrar patrimonio cultural, natural e paisaxe e débese coordinar coa xestión territorial»

Recomenda así mesmo que se cre un Observatorio de Patrimonio, que inclúa unha sección dedicada á educación patrimonial, «como o vector fundamental na creación dunha consciencia cultural patrimonial a través da cal se promova o carácter inclusivo do patrimonio cultural». Debería elaborarse un Plan Galego de Educación Patrimonial, refire o documento.

Outra proposta é pór en marcha un órgano interadministrativo de coordinación da política, normativa e xestión integral do patrimonio cultural de Galicia «que goce de maior autonomía e, ao mesmo tempo, integre os principais ramos da Administración activa autonómica na xestión do territorio, combinando liderado e participación das visións sectoriais», indica o Consello da Cultura.

Á presentación do documento de consenso asistiron representantes da Administración e do Parlamento. A guía práctica «non ten carácter vinculante e está concibida como un documento aberto», salienta o Consello da Cultura Galega. Os traballos e a elaboración das conclusións e a guía demoráronse por mor da pandemia

---

---

---