O Centro Galicia de Bos Aires, entre os premios Insua dos Poetas do ano 2019

O Padroado da Fundación Insua dos Poetas fallou os seus premios anuais, que entregará este sábado


redacción

O Padroado da Fundación Insua dos Poetas fallou onte os seus premios anuais, que entregará mañá, ás 12.00 horas, no transcurso da Festa da Palabra. Os galardoados deste ano son a escritora e xornalista da TVG María Solar na categoría de creación literaria, pola súa obra e o seu traballo en programas culturais. Na de artes plásticas, o premio recae en María Victoria Carballo-Calero, catedrática de Historia de Arte Contemporánea da Universidade de Vigo, polo seu traballo a prol da pintura, escultura, arquitectura e arte urbana.

No apartado de lingua e cultura galega, o galardón foi para o Centro Galicia de Bos Aires, con 10.000 socios e 40 anos de andaina, nos que presta un servizo a toda a emigración galega de América. De xeito semellante, a categoría de acción social distinguiuse a asociación de veciños da parroquia de Madarnás, no Carballiño, onde se encrava a Insua dos Poetas, pola súa colaboración coas actividades da entidade.

Normalización da lingua

No apartado de iniciativa empresarial o premio foi para Manuel Bernárdez Otero, natural de Dacón, Maside, e que dende o grupo Cer & Ber exerce un mecenado que é tamén un exemplo de normalización lingüística. Por último, a categoría de imaxe e audiovisual elixiu para o seu galardón á asociación fotográfica O Potiños, nada en 1965, mentres que na de medios de comunicación o premio foi para a Cadena Ser do Carballiño.

Nesta ocasión a Festa da Palabra estará dedicada ao escritor Antón Tovar, falecido en Ourense no 2004.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Tags
Comentarios

O Centro Galicia de Bos Aires, entre os premios Insua dos Poetas do ano 2019