A Xunta licita a redacción do proxecto de rehabilitación do claustro grande do mosteiro de Sobrado
SOBRADO
O investimento na obra é 1,65 millóns de euros e prevese que estará finalizada no 2023
28 abr 2022 . Actualizado ás 14:39 h.O delegado da Xunta na Coruña, Gonzalo Trenor, visitou este xoves Sobrado dos Monxes para anunciar a licitación da redacción do proxecto básico, o de execución e o de dirección de obras do claustro grande do mosteiro por 119.790 euros.
Trenor lembrou que está prevista un investimento de 1,65 millóns para mellorar a conservación do claustro grande, unha das iniciativas propostas pola Xunta dentro do Plan de Recuperación, Transformación e Resiliencia.
«A nosa previsión é que os traballos nesta xoia patrimonial, de especial importancia para toda Galicia pola súa vinculación co Camiño de Santiago, estean completados antes de que remate o ano 2023», afirmou.
Está prevista a renovación da cuberta de teza e o illamento térmico. Nun futuro preténdese dotar este claustro de materiais de interpretación e expositivos para uso cultural e turístico.«Este ben é un dos principais mosteiros de orixe medieval de Galicia e a nosa obriga é contribuír a súa conservación ao tempo que compaxinamos a protección co seu uso como recurso sostible e activo que mellore a calidade de vida da zona na que se atopa», destacou.
Este mosteiro, que conta cun albergue de peregrinos e no que a Xunta xa investiu 2,5 millóns, está catalogado como BIC e asociado á declaración de Patrimonio Mundial dous Camiños do Norte.