A Pescadería de Fredy: Comer peixe e marisco e saber o que vas pagar

Fredy Carballo puxo en marcha A Pescadería de Fredy en xuño do o 2018 apostando por un concepto novo nese momento, o de que o cliente soubese o que ía pagar antes de sentarse na mesa. E aínda que agora tamén contan cunha carta física, o mellor para facer unha boa elección é achegarse ao mostrador de peixes e mariscos e decidir que degustar tendo en conta o produto do día e o seu prezo.

O local, situado a escasos pasos da praza de María Pita, está enfocado ás parrilladas de marisco, ao propio marisco por racións e ao peixe, que na súa maioría se serve á prancha, aínda que no caso da pescada ou o peixe sapo pode prepararse tamén á galega ou á romana. Contan con seis parrilladas diferentes, que se adaptan aos gustos e petos dos comensais. «As que teñen máis tirón son as de cuncha -compostas por mexillóns, berberechos, navallas e zamburiñas- e a do día, que depende do produto do día, aínda que sempre hai bogavante, lagostino, camarón... Temos oferta dabondo para gozar do produto de aquí», explica o seu dono.

Para completar a experiencia, as croquetas, a empanada galega ou as ameixas á mariñeira son unha boa opción. Se se quere pechar con algo doce, as cañitas recheas de crema e a torrija do chef non fallan.

---

---

---