Oleiros subvenciona a 61 entidades con 271.000 euros, o 49 % a colexios públicos e AMPA
OLEIROS / LA VOZ
OLEIROS
As organizacións culturais e comisións de festas son as que reciben, de media, as axudas máis baixas
20 ene 2020 . Actualizado ás 21:45 h.O goberno de Oleiros aprobou subvencións por valor de 271.648,40 euros a 61 entidades locais para o 2020. Case a metade do investimento, o 49 %, destínase aos oito centros educativos públicos (tres institutos de secundaria e cinco colexios de infantil e primaria), que reciben 69.044 euros, e as sete AMPA, subvencionadas con 65.518 euros.
A continuación corresponde aos clubs de fútbol a partida máis alta (45.520 euros para dez organizacións), seguidos doutras quince entidades deportivas do municipio, que absorben 41.680 euros do orzamento. Os colectivos culturais e as comisións de festas (16 en total) conseguen 26.323 euros, e en último lugar aparecen as asociacións de veciños, que absorben 23.562 euros a repartir entre cinco agrupacións.