O sinistro produciuse ao chocar dous coches. O condutor do outro vehículo, un home de 83 anos, foi trasladado ao hospital
30 may 2019 . Actualizado ás 10:20 h.Un mozo de 26 anos, de iniciais S.S.R. e veciño de Oza, faleceu na madrugada do martes ao mércores nun accidente de tráfico ocorrido na N-651, a estrada nacional que une Betanzos con Ferrol, ao seu paso por Ponche Baxoi (Miño). No accidente, que se produciu ao chocar dous vehículos, o turismo do mozo saíu despedido da estrada e deu varias voltas de campá.
O condutor do outro coche, un home de 83 anos de iniciais G.M.C., tivo que ser excarcerado polos Bombeiros de Betanzos, tras o cal foi trasladado ao hospital con feridas de consideración, segundo o 112.
O sinistro ocorreu sobre as 2.00 horas cando, por causas que se descoñecen, chocaron os dous coches á altura de Leiro. O impacto foi de tal magnitude que a victima morreu no acto. Non levaba cinto de seguridade.
Ata o lugar desprazáronse de forma inmediata os bombeiros de Betanzos e os servizos médicos de urxencias do 061. Tamén o fixeron varias patrullas da Garda Civil de Tráfico.
A consecuencia do accidente, a estrada tivo que ser cortada ao tráfico para que puidesen traballar os técnicos de urxencias e rescate. polo que a circulación se vehículos desviouse por Miño ata as catro da madrugada.
Os bombeiros de Betanzos e o equipo médico comprobaron que un dos condutores estaba morto, polo que centraron o seu traballo en liberar ao outro condutor. Para iso «foi necesario cortar unha das portas do vehículo», contou un membro da unidade contraincendios.
A continuación excarceraron á vítima mortal. Nestes traballos participou Protección Civil de Miño.
É o terceiro accidente que se produce no que vai de semana na área coruñesa, xa que o luns faleceu un home na AG-55 arroiado cando trataba de auxiliar aos feridos doutro accidente, e o martes pereceu un motorista en Bergondo ao chocar contra unha furgoneta.
