O músico, que actuou recentemente coa Banda Xangái, faleceu de forma repentina este sábado. Obituario: O baixista riseiro co que todo o mundo sempre quería tocar
14 ene 2023 . Actualizado ás 19:45 h.O mundo da música amenceu este sábado cunha triste noticia na cidade da Coruña. Mangüi MartínGarcía , que era o baixista dos Diplomáticos de Monte Alto, apareceu morto esta mañá na casa dos seus pais. Polo momento, descoñécense as causas da súa morte, segundo indican fontes da súa contorna próxima.
A noticia sorprendeu aos seus compañeiros, xa que o músico, que tiña uns 50 anos, non padecía ningún problema de saúde e actuou no mes de decembro na Sala Garufa no concerto da Banda Xangái, da que tamén formaba parte.
«Era un músico extraordinario. Cando tíñamos algún problema con algunha harmonía entraba el e o solucionaba axiña», conta o músico Xurxo Souto, quen referenda que a morte de Mangüi deixounos consternados. Souto lembra que se coñeceron no 1986 nun festival, ao que Martín acudiu co grupo Luar na Lubre e el ía con outra banda. Mangüi foi un dos fundadores dos Diplomáticos de Monte Alto na Coruña. «Mangüi sempre en nós. Foron 50 anos de música e amor», subliña Souto.
