Xosé Antonio Touriñán converteuse no portavoz da mostra «Florilegio. Exposición inaccesible», organizada pola Fundación María José Jove con motivo do Día Mundial da Discapacidade
04 dic 2021 . Actualizado ás 05:00 h.Xosé Antonio Touriñán tivo este venres unha xornada moi apertada. Actuación en Arteixo, entrevista en Radio Voz, e traballo como portavoz da mostra Florilegio. Exposición inaccesible. Con motivo do Día Mundial da Discapacidade, a Fundación María José Jove reuniu aos 15 autores das fotografías con espírito profesional que forman parte da mesma. Touri falou en nome dos retratados. Aarón Rey , Adela Ordóñez, África Rivas, Álex Lugrís, Antía do Río, Carla Padín, Diana Shevchenko, Diego Martínez, Gloria Cousillas, Hugo Otero, Jorge Baizán, Laura Regueiro, Luis Corraliza, Pablo Merelas e Sasha López son os fotógrafos. «Demostraron o seu valía, algo que foi posible porque se lles deu a oportunidade. E isto é algo que, lamentablemente, non sucede sempre, xa que os prexuízos, o medo e descoñecemento de boa parte da sociedade fai que a diversidade prevaleza fronte ás aptitudes», resume Felipa Jove.