A Coruña resta catro casos activos, suma tres novos contagios e mantense en dez hospitalizados por covid
A Coruña CIDADE
Os indicadores da pandemia apenas se moven na área sanitaria, onde hai 131 persoas pasando o coronavirus
23 oct 2021 . Actualizado ás 10:50 h.A pandemia do coronavirus na área sanitaria da Coruña e Cee continúa este sábado na lenta tendencia ao descenso. En 24 horas, a demarcación restou 4 casos activos, polo que hai 131 persoas pasando a infección por SARS-CoV-2, segundo o balance diario do Sergas. En Galicia ascenden a 413, 3 menos que onte.
Non se moveu a situación no que se refire aos afectados hospitalizados, que seguen sendo 10 e 3 deles na uci. Salvo un enfermo en coidados intensivos no HM Modelo, o resto están no Chuac. Os coruñeses supoñen o 38,4 % dos ingresados por covid-19 de Galicia, onde hai un total de 26 pacientes nos distintos hospitais.
Entre as seis da tarde do xoves e a mesma hora de onte venres, concedéronse 8 altas médicas na demarcación herculina e detectáronse 3 novos positivos, que saíron á luz despois de realizar 783 probas diagnósticas (351 PCR, 389 tests de antígenos e 43 de saliva). A taxa de positividad continúa, polo tanto, en niveis baixos, un 0,3 %.