Detectados dous positivos entre os usuarios do centro de Matogrande
02 ago 2021 . Actualizado ás 12:34 h.Dous usuarios da residencia da terceira idade Concepción Arenal da Coruña deron positivo en covid-19 , segundo acaba de confirmar este luns a Consellería de Sanidade, de modo que o centro de Matogrande , un dos máis castigados pola pandemia en anteriores ondas, volve á listaxe de recintos asistenciais afectados polo coronavirus. Xunto a esta residencia pública, na área sanitaria da Coruña e Cee tamén conta cun caso, notificado o pasado sábado, o xeriátrico de Caser na Zapateira.
No conxunto de Galicia hai na actualidade 22 maiores que viven en centros da terceira idade pasando a infección por SARS-CoV-2, ademais doutras 24 persoas positivas en recintos residenciais de atención á discapacidade.