Parte do equipo de «MasterChef», que presentan Samantha, Pepe e Jordi, estivo na cidade en busca de localizacións para unha próxima gravación do formato «celebrity» que xa ten famosos confirmados
11 may 2021 . Actualizado ás 10:15 h.A principios de xuño, A Coruña encherase de famosos. Nas últimas semanas, parte do equipo de produción do programa MasterChef estivo pola cidade buscando localizacións para unha próxima gravación. «Non viñeron Jordi ou Pepe?», preguntoulles en ton de broma unha persoa que se decatou do obxectivo dos visitantes. Víuselles pola lonxa, polos mercados da praza de Lugo e San Agustín, polo ascensor panorámico e polo monte de SanPedro . É dicir, por lugares emblemáticos da cidade vinculados ao mar, á gastronomía, e de beleza incontestable. Imaxínanse, por exemplo, o bonita que pode quedar unha proba de exteriores do concurso nese marco incomparable do miradoiro de San Pedro? Ademais, como o próximo que van gravar é unha nova entrega de MasterChef Celebrity, acompañarán aos famosos presentadores, outros 16 rostros coñecidos. Na páxina web de RTVE informan de que xa están confirmados David Bustamante, Terelu Campos, Julián Iantzi, Juanma Castaño, Miki Nadal, os actores e modelos Iván Sánchez e Yotuel Romero , as actrices Belén López, Victoria Abril, Verónica Forqué, Carmina Barrios e Vanesa Romero , a cantante Tamara, o rapeiro Arkano, a tamén cantante e performer Samantha Hudson, e o deseñador Eduardo Navarrete. Bustamante, Terelu e outros moitos famosos xa están camiño da Coruña.