Nas últimas 72 horas perderon a vida 24 persoas a causa do covid-19
27 ene 2021 . Actualizado ás 21:48 h.Xornada tráxica na área sanitaria da Coruña e Cee. Sanidade notificou a última hora deste mércores 12 novos falecementos. No entanto, non todos estes decesos se produciron no mesmo día. O motivo é que foron validados esta xornada tras confirmarse que faleceron a causa do covid-19. Nas últimas 72 horas perderon a vida 24 persoas.
A consellería indica que unha muller, de 91 anos, morreu no seu domicilio, na Laracha, o pasado 22 de xaneiro. Ademais, o 26 de xaneiro, faleceron tres homes, de 77, 66 e 61 anos, que permanecían ingresados no Chuac; así como un home e unha muller, de 77 e 97 anos, na residencia Domusvi de Carballo.
Este mércores, dúas mulleres e un home, de 90, 94 e 88 anos, perderon a vida no Chuac; dúas mulleres, de 86 e 83 anos, faleceron na residencia Domusvi Carballo; aos que hai que engadir unha usuaria do centro Pai Menni, de 51 anos, que estaba ingresada no Chuac.
A residencia carballesa rexistra, polo tanto, 11 vítimas en catro días. Desde o inicio da pandemia perderon a vida 391 persoas.