Aparatoso rescate dunha muller que caeu sobre o teito dunha marquesiña na Casa do Mar

Os bombeiros da Coruña traballaron intensamente durante máis de trinta minutos para rescatar a noite deste venres a unha muller que se caeu sobre o teito dunha marquesiña situada xunto á entrada de urxencias da Casa do Mar. A muller precipitouse desde unha altura dun primeiro piso, desde a sala de espera da sala de urxencias do punto de atención continuada situado no edificio. Foi atendida nun primeiro momento polos propios médicos do centro de saúde, pero foi necesaria a presenza dos bombeiros para liberar á muller, que quedou atrapada entre os restos de plexiglás, no alto da marquesiña.

O equipo do parque da Grela, así como os membros dunha ambulancia medicalizada lograron estabilizar á muller, que foi trasladada ao Chuac.

---

---

---