O cancro de próstata, a revisión nunha nova cita do ciclo Charlas Saudables
A Coruña CIDADE
Os doctors Luis Antón Aparicio e Venancio Chantada Abal estarán en Afundación o próximo día 21
16 ene 2020 . Actualizado ás 12:58 h.O ciclo de divulgación Charlas Saudables, que organiza a Xerencia de Xestión Integrada da área sanitaria da Coruña e Cee en colaboración con La Voz de Galicia, programa para o vindeiro martes, día 21, unha nova sesión na súa sede habitual, o auditorio de Afundación no Cantón Grande. O tema que se abordará a partir das oito da tarde serán os aspectos diagnósticos e terapéuticos relacionados co cancro de próstata e para iso intervirán dous especialistas na materia, os doutores Luis Antón Aparicio e Venancio Chantada Abal, xefes dos servizos de Oncoloxía e Urología, respectivamente, do Complexo Hospitalario Universitario A Coruña.
A entrada ao ciclo será libre ata completar á capacidade e o público poderá trasladar as súas preguntas aos expertos ao termo das súas conferencias.