As enfermeiras eventuais volven á rúa para denunciar falta de persoal suficiente
A Coruña
A Coruña CIDADE
Denuncian que o cociente de profesionais é de 5,3 por cada mil habitantes, fronte ás 8,8 da media europea
07 ene 2020 . Actualizado ás 16:35 h.O colectivo Enfermeiras Eventuais en Loita volverá o vindeiro luns a manifestarse para denunciar a súa situación laboral e reclamar ás administracións que se dote ao sistema público de máis persoal. A protesta, que se celebrará ante o Chuac e os centros de saúde , centrarase nesta ocasión en pór de manifesto o déficit de profesionais existente, xa que, segundo sinalan, na actualidade hai 5,3 enfermeiras por cada mil habitantes, un cociente «máis baixo que o de España, que se sitúa en 6,55, e ben lonxe da media europea, que é de 8,8».
O sector subliña que «os doentes galegono non son doentes de segunda» e, por iso, merecen unha asistencia sanitaria de calidade «e os profesionais non somos quen de ofrecelos nestas condicións».