A asemblea de Atención Primaria convoca concentracións no Obelisco e o Ventorrillo para protestar pola precariedade e reclamar medidas que melloren a asistencia
15 novs 2019 . Actualizado ás 14:42 h.A Asemblea de Áreas Sanitarias decidiu convocar unha folga en Atención Primaria para os días 27 e 28 de novembro á que están chamados os médicos de familia e os pediatras. Tras case un ano de conflito e a convocatoria de diferentes comisións por parte da Consellería de Sanidade, o colectivo quéixase de que o único concretado pola Administración foi un novo decreto da estrutura do Sergas «non que aparece ou nome duha dirección de Atención Primaria pero sen cambio de contido respecto do que xa había, a chamada dirección de procesos sen ingreso». Segundo a asemblea «nada que ver co que se reivindica», xa que reclaman unha estrutura propia de xestión en tres meses, cun orzamento propio que se incremente polo menos 3 puntos porcentuais por ano ata acadar o 25 % do total. Ademais, na súa táboa reivindicativa tamén inclúen que se limite o número de citas a 30 diarias para ter tempo de atención ao enfermo, medidas para paliar a precariedade coa convocatoria de todas as vacantes en todas as categorías mediante unha oferta pública de emprego, e unha atención homoxénea en todas as áreas, garantiando a derivación de presenza física aos servizos hospitalarios, programas de teleconsulta con especialistas que respondan en menos de sete días e acceso a todas as probas diagnósticas.
Coincidindo coa primeira xornada de folga, os médicos chaman á cidadanía a participar en a protesta que se celebrará o día 27, ás 20.00 horas, no Obelisco. Ao día seguinte, a concentración realizarase ás 12.00 no centro de saúde do Ventorrillo.