Unha enquisa revela que case o 70 % dos usuarios son mulleres
20 sep 2019 . Actualizado ás 11:57 h.Os coruñeses aproban con nota á Compaña de Tranvías da Coruña. Concretamente cun 7,65, é dicir, un notable. Así o indica o director da empresa que xestiona os buses urbanos, Ignacio Prada.
A enquisa, encargada por Tranvías a Sondaxe, especifica tamén que case o 70 % dos usuarios son mulleres. Os estudantes supoñen máis do 22 % e o número medio de viaxes diarias é de dez.
Un dato curioso é que case o 47 % de quen se soben ao bus dispoñen dalgún medio de transporte alternativo. Segundo Prada, iso demostra que os usuarios atopan vantaxes a ir en bus fronte a facelo en coche.
Prada celebra os plans municipais de instaurar un carril bus. Sobre os preitos ao redor da baixada forzada do prezo do billete e o fin da concesión, indicou que son procesos que seguen o seu curso.