Deportistas con diversidade funcional como Anxo López Fernández, Alejandro González Pernas, Daniel Prada García ou Javier Carballeira Cerdán, entre outros, participaron nunha xornada inclusiva na refinería impulsada polo Proxecto Enki e Repsol
21 sep 2019 . Actualizado ás 05:00 h.O do proxecto Enki é impresionante. Esta semana a súa presidenta, Carmen Touza, pasou polos estudos de Radio Voz para falar da carreira-festa pola inclusión que se celebrará o sábado 19 de outubro no Parrote. Onte entrei na súa páxina web e só quedaban por asignar 979 dorsais dos 10.000 que se marcaron como obxectivo. A citada proba é a actividade máis mediática que leva a cabo este colectivo fundado fai cinco anos pola Fundación Abrente co apoio da Fundación María José Jove e o Concello. Pero ao longo do ano realizan outras accións, como a que tivo lugar onte na refinería Repsol. Foi unha xornada inclusiva na que participaron empregados da factoría e deportistas con diversidade funcional.