No Ágora celebrouse un obradoiro de cociña senegalesa, dentro da denominada festa A Teranga
18 jun 2019 . Actualizado ás 05:00 h.Aí teñen aos participantes nun taller de cociña senegalesa que se celebrou durante a mañá de onte no Ágora. Esta actividade gastronómica é unha das que se inclúen na festa A Teranga, unha palabra que, segundo cóntanme, significa acollida-hospitalidade nunha das linguas de Senegal. O Concello e a asociación África Universal, entre outras entidades, organizan esta festa que ata o día 29 inclúe música, baile, deporte e cociña, como se puido comprobar onte. A seguinte cita cos fogóns é o venres pola mañá e trátase dun obradoiro «dirixido a persoas de todas as nacionalidades», indican. O sábado, por exemplo, a praza das Conchiñas acollerá unha exhibición de baile tradicional de Senegal e de loita tradicional típica deste país. Son días de cultura africana.