Cooperantes coruñeses

La Voz

A Coruña CIDADE

cedida

Alumnos da UDC viaxan a países en vías de desenvolvemento para realizar os seus proxectos de fin de carreira

13 jun 2019 . Actualizado ás 05:00 h.

Este verán vivirán unha experiencia única. Son 17 estudantes universitarios que van ter a oportunidade de coñecer a realidade de países como Honduras , Mozambique, Nepal, Etiopía, Guatemala ou Palestina. Pero non van de vacacións, senón van realizar nestes lugares os seus proxectos fin de carreira. É unha estancia de cooperación en países en vías de desenvolvemento subvencionada pola Universidade da Coruña. A través da Oficina de Cooperación e Voluntariado estarán nos citados países dun a tres meses para formarse neste campo. Antes de viaxar os estudantes recibiron un curso de formación específica realizado en colaboración coas oenegués ACPP e Agareso. Os mozos cooperantes coruñeses son: María González, Gloria Parra, Raquel Meizoso, Sandra Pérez, Clara Presedo, Laura Freijeiro, Inés Sánchez, Paula González, Daniel Vázquez, Tania Barreiro, Gonzalo León, Juan Domingo Quintela, Aloia Fernández, Adrián García, Andrea de la Fuente, María Doce Prada e María Dopico.