Desde hai un ano e medio funciona no centro este coqueto restaurante que desprende encanto
10 novs 2017 . Actualizado ás 18:19 h.Un é barcelonés e outro arxentino. Ambos proceden de Cataluña e instaláronse na Coruña. Paco Chicón e Sergio Musso decidiron abrir o Eclectic aquí hai un ano cunha curiosa filosofía: «Unha cociña baseada no produto local coa mirada dun emigrante. É dicir que algo de aquí poida ter un toque de calquera parte do mundo», sinala o segundo. E iso como se concretiza nunha carta? «Pois, por exemplo, en pratos como a albóndega de galo celta coa súa crista e o seu mollo ou a sardiña lañada con sal e humus de fabas de Lourenzá», explica.
A proposta, cando menos, invita á curiosidade. Ese tipo de pratos pódense degustar no seu pequeno local situado entre a rúa da Franxa e a Florida. A decoración, ben pode lembrar ao salón dunha casa. Preténdese que o ambiente sexa así. «Queremos que a xente se senta como en casa, que se nota o ambiente familiar e que flúa o relax para gozar da experiencia», sinala o cociñeiro.
Todo iso cun equipo mínimo e un compromiso de calidade. «Somos dous ou tres persoas traballando. Imos ao día e compramos diariamente para o cliente, por iso traballamos case exclusivamente con reserva e só cun menú degustación amplo ou reducido que cambiamos cada mes e medio. É o único modo de ser competitivos cos prezos e que a xestión teña sustentabilidade», detalla.
Pero ademais diso, no Eclectic programan gastroactividades. «Agora temos unha cata internacional de viños e todos os meses facemos un curso de cociña», indica.
MENÚ PROPOSTO
-Crema de cabaza con mousse de Arzúa-Ulloa, espuma de touciño entrefebrado afumado
-Peixe sapo albardado, parmentier de verduras e cogomelo coliflor
-Ovo a baixa temperatura mollo de ibéricos e trompetas negras
-Meloso de tenreira á cervexa Artabria
-Limón chocolate branco e herba luisa
Prezo. 35,80 euros
Oliva, 3 •?Horario: 13.30 a 15.30 horas e 21.00 a 23.30 horas •?Reserva previa en ?teléfono 617 621 423?•?