Arde unha granxa de Coirós que estaba chea de labras horas antes de recibir unha carga
de aves
06 dic 2019 . Actualizado ás 23:08 h.
Os bombeiros do parque comarcal de Betanzos sufocaron este venres un lume nunha granxa de pitos da Espenuca, no municipio de Coirós que, afortunadamente, estaba baleira. O propietario agardaba precisamente a chegada dunha carga de 10.000 aves ao longo da xornada de hoxe.
O lume iniciouse sobre as 7.30 horas e o aviso deuno un operario que se atopaba nese momento traballando na nave. Segundo sinalou, probablemente o incendio tivo a súa orixe nun curtocircuíto e, a xuízo dos técnicos contraincendios, as chamas estendéronse rapidamente pola importante cantidade de labra esparexida nas instalacións.
O Centro Integrado de Atención ás Emerxencias (CIAE) 112 Galicia foi alertado do incendio e deu aviso aos Bombeiros de Betanzos, así como aos axentes da Garda Civil de Betanzos e ao persoal do Servizo de Medio Ambiente da Xunta de Galicia.
Os bombeiros empregaron dúas horas en apagar o lume e ventilaron as instalacións, que quedaron completamente calcinadas.