Franco Fasoli, Slim Safont e Edgar Goás «Wedo» xa empezaron cos seus murais
27 jul 2021 . Actualizado ás 05:00 h.As fachadas de Cambre enchéronse onte de cor no inicio da cuarta edición do Cromático Mural Fest. Os artistas Franco Fasoli Jaz (Arxentina), Slim Safont (Barcelona) e Edgar Goás Wedo (As Pontes) comezaron os seus murais no polideportivo Sofía Toro e nas rúas Amil e Río Miño. A obra de Safont ten a unha nena pequena como protagonista, a imaxe está baseada nunha fotografía familiar antiga. Mentres que no mural de Fasoli, os animais cobraron vida entre a pintura.
Estaba previsto que esta semana tamén participase o muralista estadounidense Ru8icón, pero deu positivo en covid-19, así que realizará a súa obra máis adiante. O festival terá actividades para todos os públicos ata o vindeiro domingo. Por primeira vez na historia do evento, organizarase un mural colaborativo entre artistas e veciños de Cambre no edificio Lumiera. Para levar a cabo a iniciativa, os artistas Viviana Luccisano e Tope Rodríguez impartirán un taller o mércores, xoves e venres.
Ademais, leste mesmo venres, ás 19.00 horas, o Concello fará unha visita guiada en autobús para que os participantes desta edición visiten os murais, observen o traballo dos artistas e interactúen con eles de xeito directo.