Os dispositivos serán semiautomáticos de última xeración e uniranse aos catro xa instalados
16 novs 2018 . Actualizado ás 05:00 h.Betanzos completará a rede de desfibriladores con outras seis unidades para crear así novas zonas cardioprotegidas. Os dispositivos serán semiautomáticos de última xeración e uniranse aos catro xa instalados.
A iniciativa conta coa colaboración da Cruz Vermella que, á súa vez, recibe axuda da Fundación A Caixa. «A nosa intención é reforzar a seguridade e prevención nas instalacións onde se concentra máis poboación», indicou a alcaldesa, María Barral. Ao polideportivo municipal, o campo de fútbol do Carregal, os coches de Protección Civil e Policía Local, que actualmente contan cun desfibrilador, unirase o Vales Villamarín, o Náutico Ría de Betanzos, o edificio do Arquivo do Antigo Reino de Galicia (Liceo), unha zona por determinar no centro histórico e dúas superficies comerciais.