Unha caravana de coches percorreu A Coruña para instar o Goberno central a que tome as medidas previstas
28 feb 2021 . Actualizado ás 23:21 h.O deputado do BNG no Congreso Néstor Rego asegurou este domingo, tras a súa participación nunha caravana protesta, que é «inexplicable» e «inadmisible» que o Goberno central non teña aplicado xa as rebaixas na AP-9. Así se expresou na Coruña tras formar parte da marcha, secundada por uns 120 automóbiles segundo a organización, que partiu ás 11.00 horas do aparcadoiro da Facultade de Informática para culminar ante a sede da Delegación do Goberno en Galicia.
Con pancartas que rezan «Xa abonda, o Goberno español non cumpre con Galicia. Estafa, insulto, vergoña», informa Efe, centos de persoas percorreron cos seus turismos as rúas coruñesas, desde o Campus de Elviña, a Avenida Alfonso Molina ou a zona de Catro Camiños. «Unha vez que están as partidas presupostadas, non hai ningunha razón para que se siga atrasando a aplicación das medidas previstas, tanto da bonificación para os usuarios recurrentes, como da absorción polos PGE das subidas previstas nos convenios de 2011 e de 2013 ou a gratuidade do tramo Vigo-Rendondela», sostivo Rego.
Neste sentido, salientou que «se o Goberno non cumpre con Galicia, terá que explicar por que» e advertiu de que o BNG «vai a seguir movilizándose» mentres non se cumpra o pactado. Tamén destacou que a súa formación conseguiu «por primeira vez en corenta años» un acordo para que se baixasen as tarifas, mentres «o PP y o PSOE altérnanse en discriminar a Galicia». Finalmente, subliñou que a diminución das peaxes «é de xustiza», xa que «mentras todas as autoestradas da xeración da AP-9 comezan a ser gratuitas», a galega iniciou o «cun novo incremento»ano .
Pola súa banda, o portavoz do BNG no Concello da Coruña, Francisco Jorquera, acusou ao Goberno de exercer unha «discriminación económica» a Galicia ao non aplicar as bonificacións e ao non licitar a conexión ferroviaria ao Porto Exterior da Coruña. Ademais, a formación nacionalista levará este asunto ao pleno municipal da Coruña para instar o Goberno a que se materialice «canto antes» a rebaixa de peaxes pactada no acordo de investidura de Pedro Sánchez co BNG. Tamén participou na mobilización a deputada do BNG no Parlamento galego Mercedes Queixas.