A entidade continúa co seu programa de bolsas, aínda que ten limitada a súa actividade con colexios
27 may 2020 . Actualizado ás 08:01 h.Dous dispensadores de xel hidroalcohólico dan a benvida ao visitante na Fundación Barrié, que onte abriu as portas das súas salas de exposicións coa intención de «retomar, na medida do posible, a normalidade», segundo apuntou en Radio Voz a súa directora de programas, Carmen Arias. Aos poucos minutos de abrir, ás 11.00 horas, aparecían xa os primeiros visitantes para gozar da exposición temporal de Marc Chagall: «Foi un reto complexo que implicou facer provisión de material desinfectante, ademais doutros elementos como papeleiras con tapa que se acciona cun pedal. E todas as salas de exposicións buscabamos o mesmo, claro», explicou Carmen Arias, que relatou a complicada tarefa que supuxo a preparación das salas para a súa apertura, coa súa desinfección e limpeza sen poder utilizar ningún material que puidese alterar as obras que conteñen, así como a retirada de todo o mobiliario para evitar que os visitantes se apoiasen no mesmo.
Polo demais, a Fundación Barrié continúa coa súa actividade, condicionada nalgúns aspectos «porque dependemos dos nosos usuarios e socios, como os centros escolares, que están pechados, ou os centros penais, aos que agora non temos acceso», matizou a directora, que engadiu que o programa de bolsas da entidade segue en marcha, aínda que realizando as entrevistas aos candidatos por videoconferencia.