A embaixada xa entregou todo o papelorio ás autoridades filipinas, que atrasaron 10 días os trámites de repatriación
23 ene 2020 . Actualizado ás 13:13 h.A familia De Diego Bello ao fin podería ter este domingo o corpo do seu ser querido. Unha vez realizado o último trámite, que foi a firma de repatriación do irmán do falecido, a embaixada entregou todos os papeis ás autoridades filipinas, que durante 10 días puxo todas as trabas posibles.
Aínda se descoñecen os resultados da autopsia que lle realizaron a Diego con presenza dunha comisión de Dereitos Humanos, o que anima á familia a que se esclarezan os feitos.
A policia filipina abateuno a tiros o pasado día 14. Nun primeiro informe dixeron que responderon os disparos da victima cando foi sorprendido vendendo droga a dous consumidores. A cara dunha cuartilla abondou para o relato dos feitos por parte da policia. En canto a embaixada española e os amigos de Diego na illa empezaron a presionar, a pór en dúbida a versión das autoridades, estas ampliaron o atestado. Para engadir que se trataba dun narcotraficante «de gran valor» e que levaban seguíndolle 3 meses ata que lle tenderon unha trampa. Aínda por riba, dixeron que tiña algunha denuncia por violación, aínda que ningunha chegou a formalizarse.
Unha vez estea o corpo na Coruña, amigos e familiares, como o Ministerio de Exteriores centrarán todo o seu esforzo en esclarecer o «asasinato» e deixar o bo nome De Diego «onde se merece».
