Máis de 800 corredores participaron na cuarta edición dos 5KM Solidarios que se celebraron na mañá de onte na Coruña. A recadación íntegra desta carreira benéfica destinarase ao Banco de Alimentos Rías Altas da Coruña.
A carreira, impulsada polo equipo de voluntariado de Corporación Fillos de Rivera e organizada polo Banco de Alimentos Rías Altas, encheu de actividade o polígono comercial da Grela.
Ao longo dos 5 quilómetros de percorrido congregáronse deportistas, familias con nenos e mesmo mascotas. Un gran número de participantes gozou tamén da máster class de zumba que se desenvolveu unha vez finalizada a carreira.
Péchase así por este ano unha gran festa solidaria que edición tras edición vai gañando adeptos e que, aos poucos, consolídase no calendario deportivo da comunidade.