Miño trasladouse unha vez máis ao pasado
21 ago 2019 . Actualizado ás 05:00 h.Detrás de cada obxecto hai unha historia. E cada historia é un tesouro. Miño celebrou un ano máis a sexta edición da súa Feira de Antigüidades, Coleccionismo e Vintage. Os visitantes puideron gozar de numerosos postos con obxectos que incluían desde fotografías, artigos de arte e reprodutores musicais de época ata figuras, reloxos e pezas de coleccionista. Unha ocasión ideal para coñecer a vida que pode albergar ata o máis pequeno chaveiro, acendedor ou dedal, nunha celebración de carácter cultural notable que cada ano conta con máis visitantes. Que segredos albergará a próxima edición? É algo que só o tempo dirá, pero seguro que poderemos admirar recordos de épocas pasadas experimentando esa sensación de viaxar nunha máquina do tempo. O único seguro: teremos que agardar ata o ano que vén.