A pintura de Ricardo Segura Torrella exhibirase ata o 11 de setembro na galería Artby`s
20 ago 2019 . Actualizado ás 05:00 h.Ata o 11 de setembro • De luns a sábado de 11.00 a 13.30 e de 17.00 a 20.00 horas • Entrada libre • A galería de arte Artby´s de San Andrés dedica durante este mes de agosto e ata o 11 de setembro o seu espazo expositivo ao pintor ferrolán Ricardo Segura Torrella, unha retrospectiva sobre a súa obra que pretende «servir como reivindicación da súa importancia como máximo expoñente do expresionismo en Galicia», segundo destaca o responsable da galería, Camilo Chas.
Para iso seleccionáronse unha serie de obras partindo dos temas que marcaron a súa produción ao longo da súa carreira, como son o retrato, a paisaxe, os bodegóns e a muller. Un total de 16 obras nas que predomina o gran formato, empezando por Mela , a súa particular homenaxe á muller traballadora, seguindo por ese cruzamento entre a luxuria e a gula que é Espido con nécoras. Retratos costumistas -Toureiro yacente, José con gaita- e paisaxes completan a mostra.